Library / Literature & Fiction
Troilus and Criseyde
- Pages
- about 213
- Category
- Literature & Fiction
- Language
- English
- Reading time
- 3.9 h at 250 wpm
From the opening
Out of these blake wawes for to sayle,
O wind, O wind, the weder ginneth clere;
For in this see the boot hath swich travayle,
Of my conning, that unnethe I it stere:
This see clepe I the tempestous matere 5
Of desespeyr that Troilus was inne:
But now of hope the calendes biginne.
O lady myn, that called art Cleo,
Thou be my speed fro this forth, and my muse,
To ryme wel this book, til I have do; 10
Me nedeth here noon other art to use.
For-why to every lovere I me excuse,
That of no sentement I this endyte,
But out of Latin in my tonge it wryte.
Wherfore I nil have neither thank ne blame 15
Of al this werk, but prey yow mekely,
Disblameth me if any word be lame,
For as myn auctor seyde, so seye I.
Eek though I speke of love unfelingly,
No wondre is, for it no-thing of newe is; 20
A blind man can nat Iuggen wel in hewis.
Ye knowe eek, that in forme of speche is chaunge
With-inne a thousand yeer, and wordes tho
That hadden prys, now wonder nyce and straunge
Us thinketh hem; and yet they spake hem so, 25
And spedde as wel in love as men now do;
Eek for to winne love in sondry ages,
In sondry londes, sondry ben usages.
And for-thy if it happe in any wyse,
That here be any lovere in this place 30
That herkneth, as the storie wol devyse,
How Troilus com to his lady grace,
And thenketh, so nolde I nat love purchace,
Or wondreth on his speche or his doinge,
I noot; but it is me no wonderinge; 35
A short sample. Read the whole book
More to read
- "Captains Courageous": A Story of the Grand BanksRudyard KiplingLiterature & Fiction191 pages
- "Captains Courageous": A Story of the Grand BanksRudyard KiplingLiterature & Fiction191 pages
- "I Say No"Wilkie CollinsLiterature & Fiction428 pages
- "Miss Lou"Edward Payson RoeLiterature & Fiction409 pages
- "Speaking of Operations--"Irvin S. CobbLiterature & Fiction37 pages
Public-domain text from Project Gutenberg, Standard Ebooks or a similar open source. Copyright differs between countries. Rights holder? See our takedown process.